ಎಲ್ಲರನ್ನು ಸೆಳೆಯುವ ಶಕ್ತಿ ಸಂಗೀತಕ್ಕೆ ಇದೇ: ವಿಜಯಹಾವನೂರ್
Music have a power to attract everyone: Vijayahavaoor
Jan 27, 2025 10:24
6
ಬೆಂಗಳೂರು: ಎಲ್ಲರನ್ನು ಸೆಳೆಯುವ ಶಕ್ತಿ ಸಂಗೀತಕ್ಕೆ ಇದೇ ಎಂದು ಕ್ಯಾತ ದಾಸವಾಣಿ ಗಾಯಕ ವಿಜಯಹಾವನೂರ್ ಹೇಳಿದರು,
ಅವರು ನಿನಾದ ಸಂಸ್ಕೃತಿ ಕಲಾಕೇಂದ್ರವು ಆಯೋಜಿಸಿದ ಗಾನೋಧ್ಯಾನ ತ್ರೈ ಮಾಸಿಕ ವಿಶೇಷ ಮಾಲಿಕೆ -1 ಪ್ರೀತಿಯ ಗಂಗೆ :ಮಲ್ಲಿಗೆಯ ಕವಿ ಕೆ. ಎಸ್. ನರಸಿಂಹ ಸ್ವಾಮಿ ಮತ್ತು ವರಕವಿ ದ. ರಾ. ಬೇಂದ್ರೆಯವರ ಗೀತೆಗಳ ವಿಶೇಷ ಕಾರ್ಯಕ್ರಮಕ್ಕೆ ದೀಪ ಬೆಳಗಿಸಿ ಮಾತನಾಡಿ ಸಂಗೀತಕ್ಕೆ ಮಾರು ಹೋಗದವರು ಯಾರು ಇಲ್ಲವೆಂದರು,
ಶತ ತಬಲಾ ವಾದಕ ಕರ್ನಾಟಕ ಕಲಾಶ್ರೀ ಡಾ, ಸತೀಶ್ ಹಂಪಿಹೊಳಿ ಮುಖ್ಯ ಅಥಿತಿಯಾಗಿ ಪಾಲ್ಗೊಂಡು ಇಂತಹ ಕಾರ್ಯಕ್ರಮಗಳು ಪ್ರತಿಯೊಂದು ಬಡವಣೆಯಲ್ಲೂ ನಡೆಯಬೇಕು ಎಂದರು,
ಹಿರಿಯ ಪತ್ರಕರ್ತ ಎನ್ ಎಸ್ ಸುಧೀಂದ್ರ ರಾವ್ ಮಾತನಾಡಿ ನಮ್ಮ ಸಂಸ್ಕೃತಿ ಪರಂಪರೆಯನ್ನು ಉಳಿಸಿ ಬೆಳಸಲು ಈ ರೀತಿಯ ಕಾರ್ಯಕ್ರಮ ಹೆಚ್ಚು ಹೆಚ್ಚಾಗಿ ನಡೆಯಬೇಕು ಎಂದರು, ಸುಮಧುರ ಗಾಯನವನ್ನು ಕೊಂಡಾಡಿದ ಅವರು ಬಿಗ್ ಬಾಸ್ ನಂತಹ ಕಾರ್ಯಕ್ರಮದ ಫೈನಲ್ ನಡೆಯುವಂತಹ ಸಮಯದಲ್ಲಿ ಕಾರ್ಯಕ್ರಮ ನಡೆಯುತ್ತಿರುವ ಸಭಾಂಗಣವು ಕಿಕ್ಕಿರಿದು ತುಂಬಿರುವುದು ನೋಡಿದರೆ ನಮ್ಮ ಸಂಗೀತಕ್ಕಿರುವ ಶಕ್ತಿ ಎಂಥದು ಎಂಬುದಕ್ಕೆ ಸಾಕ್ಷಿ ಎಂದರು,
ಸಮಾರಂಭದಲ್ಲಿ ಗೀತಾಗಾಯನದಲ್ಲಿ ದೀವಾಕರ ಕಶ್ಯಪ್, ಹರೀಶ್ ನರಸಿಂಹ, ಗುರುರಾಜ್ ಹೊಳೆನರಸೀಪುರ, ಸ್ಮಿತಾ ವಸಂತ ಅವರು ನರಸಿಂಹಸ್ವಾಮಿ ಮತ್ತು ಬೇಂದ್ರೆ ಅಜ್ಜನವರ ಗೀತೆಗಳನ್ನು ಹಾಡಿ ರಂಜಿಸಿದರು,
ನಿನಾದ ಸಂಸ್ಕೃತಿ ಕಲಾಕೇಂದ್ರ ಮತ್ತು ಅತ್ರೇಯ ಕಲಾ ಸಂಪದ ಟ್ರಸ್ಟ್ ವಿದ್ಯಾರ್ಥಿಗಳು ಸಮೂಹ ಗಾಯನದಲ್ಲಿ ರಂಜಿಸಿದರೆ ಇವರಿಗೆ ಹಿಮ್ಮೆಳದಲ್ಲಿ ಕೀ ಬೋರ್ಡ್ ನಲ್ಲಿ ದುಷ್ಯಂತ್ ಮತ್ತು ರಮೇಶ್, ತಬಲಾದಲ್ಲಿ ಗುರುರಾಜ್ ಹೊಳೆನರಸೀಪುರ, ಡೋಲಕ್ ನಲ್ಲಿ ಲೋಕೇಶ್ ಕೊಳಲಿನಲ್ಲಿ ವಸಂತ್ ಕುಮಾರ್ ಹಾಗು ರಿದಂ ಪ್ಯಾಡ್ ನಲ್ಲಿ ಎಂ ಪಿ ಶ್ರೀನಿವಾಸ್ ಸಾತ್ ನೀಡಿದರು.
ಕಾರ್ಯಕ್ರಮವನ್ನು ತಮ್ಮ ಸುಮಧುರ ಮಾತುಗಳಿಂದ ನಿರೂಪಿಸಿ ಕಾರ್ಯಕ್ರಮಕ್ಕೆ ಸಂಧ್ಯಾಭಟ್ ಕಳೆಗಟ್ಟಿದರು.
