ಕೊಡಗಿನ ಬೆಡಗಿ ವಿಶ್ವ ಸೌಂದರ್ಯ ಸ್ಪರ್ಧೆಗೆ ಆಯ್ಕೆ
Dec 18, 2024 05:38
ಬೆಂಗಳೂರು: ಮುಂದಿನ ವರ್ಷ ನಡೆಯಲಿರುವ ಅಂತಾರಾಷ್ಟ್ರೀಯ ಸೌಂದರ್ಯ ಸ್ಪರ್ಧೆಯಲ್ಲಿ ಕೊಡಗಿನ ಬೆಡಗಿ ಶಾಮಿಲಿ ಉತ್ತಯ್ಯ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಇತ್ತೀಚೆಗೆ, ಸೌಂದರ್ಯ ತಜ್ಞೆ ನಂದಿನಿ ನಾಗರಾಜ್ ಅವರ ಮಾರ್ಗದರ್ಶನದಲ್ಲಿ ನಗರದ ಲಲಿತ್ ಅಶೋಕ್ ಪಂಚತಾರಾ ಹೋಟೆಲ್ ನಲ್ಲಿ ನಡೆದ ಮಿಸ್ ಇಂಡಿಯಾ ರೋಲ್ ಮಾಡೆಲ್ 2024ರ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಶಾಮಿಲಿ ಉತ್ತಯ್ಯ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಇದರ ಜೊತೆಗೆ, ಶಾಮಿಲಿ ಉತ್ತಯ್ಯ ಅವರಿಗೆ ಮಿಸ್ ಕೂರ್ಗ್ ಸ್ಕಾಟ್ ಲ್ಯಾಂಡ್ ಕ್ಲೀನ್ ಎಂಬ ವಿಶೇಷ ಬಿರುದನ್ನು ತೀರ್ಪುಗಾರರು ಘೋಷಿಸಿದ್ದಾರೆ.
ಈ ಗೆಲುವಿನೊಂದಿಗೆ ಶಾಮಿಲಿ ಉತ್ತಯ್ಯ ಅವರು ಮಾರ್ಚ್ 2025 ರಲ್ಲಿ ನಡೆಯಲಿರುವ ಮಿಸ್ ಗ್ಲೋಬಲ್ ಯುನಿವರ್ಸ ಸೌಂದರ್ಯ ಸ್ಪರ್ಧೆಯಲ್ಲಿ ಭಾರತ ದೇಶವನ್ನು ಪ್ರತಿನಿಧಿಸಲ್ಲಿದ್ದಾರೆ. ಶಾಮಿಲಿ ಉತ್ತಯ್ಯ ಅವರಿಗೆ ಅಂತಾರಾಷ್ಟ್ರೀಯ ಸ್ಪರ್ಧೆಯಲ್ಲಿ ಗೆಲುವು ಸಿಗಲೆಂದು ಸೌಂದರ್ಯ ತಜ್ಞೆನಂದಿನಿ ನಾಗರಾಜ್ ಹಾಗೂ ಅವರ ತಂಡ ಶುಭ ಹಾರೈಸಿದೆ.
