ಸನ್ಯಾಸಿನಿಯಾದ ಮಮತಾ ಕುಲಕರ್ಣಿ!
Jan 28, 2025 10:44
90ರ ದಶಕದಲ್ಲಿ ಬಾಲಿವುಡ್‌ನಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದರು. ತೆರೆಮೇಲೆ ಸಖತ್ ಹಾಟ್ ಆಗಿ ಕಾಣಿಸಿಕೊಳ್ಳುತ್ತ ಪಡ್ಡೆಹುಡುಗರ ನಿದ್ದೆ ಕದ್ದಿದ್ದ ನಟಿ ಮಮತಾ ಕುಲಕರ್ಣಿ ಇದೀಗ ಅಧ್ಯಾತ್ಮಕ ಹಾದಿಯಲ್ಲಿ ಹೆಜ್ಜೆಹಾಕುತ್ತಿದ್ದಾರೆ ಹಾಗೂ ಸದಾ ಕಾವಿ ಬಟ್ಟೆಯಲ್ಲಿ ಕಂಗೊಳಿಸುತ್ತಿದ್ದಾರೆ.
ನಿಜ, ಬಾಲಿವುಡ್‌ನ ನಟಿ ಮಮತಾ ಕುಲಕರ್ಣಿ ಸನ್ಯಾಸ ದೀಕ್ಷೆ ಸ್ವೀಕರಿಸಿದ್ದು ಇದರ ಅಂಗವಾಗಿ ಸಂಗಮದಲ್ಲಿ ಕುಟುಂಬ ಸದಸ್ಯರಿಗೆ ಪಿಂಡದಾನ ಮಾಡಿದರು. ಈ ಪ್ರಕ್ರಿಯೆ ಕಾರ್ಯಗಳನ್ನು ಪೂರೈಸಿದ್ದ ನಟಿಗೆ ಕಿನ್ನರ್ ಅಖಾರದಲ್ಲಿ ಸನ್ಯಾಸ ದೀಕ್ಷೆ ನೀಡಲಾಯಿತು. ಅಖಾರದ ಆಚಾರ್ಯ ಮಹಾಮಂಡಲೇಶ್ವರ ಡಾ. ಲಕ್ಷ್ಮಿನಾರಾಯಣ ತ್ರಿಪಾಠಿ ಅವರು ಮಮತಾ ಕುಲಕರ್ಣಿ ಅವರನ್ನು ಅಖಾರಕ್ಕೆ ಸೇರಿಸಿಕೊಂಡು ಮಹಾಮಂಡಲೇಶ್ವರ ಬಿರುದು ನೀಡಿದ್ದಾರೆ. ಇದೀಗ ಅವರನ್ನು ಶ್ರೀ ಯಮಾಯಿ ಮಮತಾ ನಂದಗಿರಿ ಎಂದು ಕರೆಯಲಾಗುತ್ತಿದೆ. ದೀಕ್ಷೆ ಪಡೆದ ಅವರಿಗೆ ಆಚಾರ್ಯ ಮಹಾಮಂಡಲೇಶ್ವರರ ಪ್ರಕಾರ ವೃಂದಾವನದಲ್ಲಿರುವ ಆಶ್ರಮದ ಜವಾಬ್ದಾರಿ ನೀಡಲಾಗಿದ್ದು, ಅವರು ತಮ್ಮ ಸಂಪೂರ್ಣ ಜೀವನವನ್ನು ಸನಾತನ ಧರ್ಮದ ಪ್ರಚಾರಕ್ಕಾಗಿ ಮೀಸಲಿಡಲಿದ್ದಾರೆ.
